Barbón anima a falar n'asturianu y eonaviegu "con arguyu" y ensin sentir "vergoña"

Asturies conmemora los 40 años d'enseñanza de la llingua asturiana nes escueles

El presidente del Principáu, Adrián Barbón, aseguró esti vienres que l'asturianu y l'eonaviegu son llingües "que nun llevanten muries, sinón que tienden pontes", polo qu'animó a usales "con arguyu" y ensin sentir "vergoña".

El xefe del Executivu autonómicu faló asina nel actu de conmemoración del 40º aniversariu del entamu de la enseñanza de la llingua asturiana nos centros educativos que se celebró en Mieres.

Barbón rellató qu'esti finxu que "güei paez normal dafechu" foi en 1984 una "revolución", porque nesi momentu falar n'asturianu yera un motivu de "burlla y, hasta inclusive, de castigu, porque se consideraba vulgar o daqué propio d'ignorantes aldeanos".